प्रेरणास्थानांचा वारसा, नव्या नेतृत्वाचं ध्येय!
अधिकारातली नम्रता, भाषणातली धार आणि विचारांतली स्पष्टता — हाच 'Voice of Devendra' चा
प्रेरणास्रोत!
या स्पर्धेच्या प्रेरणास्थानी असलेल्या महान नेत्यांनी भारतीय राजकारणात संवाद, भाषाशैली आणि मूल्यनिष्ठ विचारांची
एक विलक्षण परंपरा निर्माण केली. ही स्पर्धा त्याच मूल्यांचा वारसा पुढे नेणारी एक चळवळ आहे
अटल बिहारी वाजपेयीजी
त्यांची भाषाशैली शांत, संयमित पण असामान्य प्रभावी. प्रत्येक वाक्यातून देशप्रेम, संवेदनशीलता आणि विवेक प्रकट होत असे. “राजकारण ही केवळ सत्ता नाही, ती एक सेवा आहे” – हे त्यांनी प्रत्यक्ष कृतीतून सिद्ध केलं.
प्रमोद महाजनजी
तंत्रज्ञान, माध्यमं, आणि तेजस्वी वक्तृत्व यांचा संगम त्यांच्या कार्यशैलीत दिसून यायचा. संवाद हेच राजकारणाचं भविष्य आहे, हे त्यांनी तरुणांसमोर उदाहरणाद्वारे मांडलं.
मा. नरेंद्र मोदीजी
जनतेशी थेट संवाद, 'मन की बात'सारखे उपक्रम आणि राष्ट्र उभारणीसाठीची दूरदृष्टी ही त्यांच्या नेतृत्वाची खरी ओळख आहे. त्यांनी वक्तृत्वाला लोकशाहीच्या केंद्रस्थानी आणलं.
अमित शाहजी
राजकीय रणनीती, संघटन कौशल्य आणि मुद्द्यांची स्पष्ट मांडणी यामधून त्यांनी नेतृत्वाला एक नवी दिशा दिली. विचारांची ठाम मांडणी आणि दृढ निश्चय त्यांच्या शैलीची ओळख आहे.
