वक्तृत्व स्पर्धेचे नियम व अटी – Voice of Devendra 2025

पात्रता (Eligibility)

• ही स्पर्धा महाराष्ट्रातील १४ ते २५ वयोगटातील सर्व युवक-युवतींसाठी खुली आहे.
• स्पर्धक मराठी, हिंदी, किंवा इंग्रजी या भाषांमध्ये सहभाग घेऊ शकतात.

प्रथम फेरी – ऑनलाईन सहभागाचे नियम

स्पर्धकांनी खालीलप्रमाणे सहभाग नोंदवायचा आहे:

विषय: विकसित महाराष्ट्र

या मुख्य विषयाच्या अंतर्गत, स्पर्धक खालीलपैकी कोणताही एक उपविषय निवडून सखोल मांडणी करू शकतात:

• नवभारतासाठी नवमहाराष्ट्र: युवकांचे नेतृत्व, सामाजिक सक्रियता, आणि आधुनिक महाराष्ट्र घडवण्यातील त्यांचे योगदान.
• माझं कर्तव्य, माझं योगदान – विकसित महाराष्ट्रासाठी: तंत्रज्ञान, डीजिटल शिक्षण, स्टार्टअप्स, व शाश्वत विकास यांचा ग्रामीण बदलामध्ये उपयोग.
• शाश्वत, सुरक्षित आणि सर्वसमावेशक महाराष्ट्र: पर्यावरण, स्त्री सुरक्षा, रोजगार, आरोग्य, आणि सामाजिक समावेशकता या मुद्द्यांवर आधारित महाराष्ट्राचे स्वप्न.

टीप: स्पर्धकांना या उपविषयांचा वापर दृष्टीकोन समजावण्यासाठी मार्गदर्शक म्हणून करता येईल. अंतिम भाषणाचा आशय “विकसित महाराष्ट्र ” या शीर्षकाभोवती केंद्रित असावा.

सहभाग नोंदवण्याची प्रक्रिया

1. व्हिडिओ तयार करा:
   • 180 सेकंदांचं भाषण रेकॉर्ड करा किंवा
   • 60 सेकंदांचा रील/शॉर्ट व्हिडिओ तयार करा.
2. व्हिडिओ अपलोड करा:
   • तुमच्या इंस्टाग्राम आणि/किंवा फेसबुक खात्यावर अपलोड करा.
   • इंस्टाग्रामसाठी: @voiceofdevendra ह्या अधिकृत अकाऊंटला collaborate/tag करा.
   • खालील हॅशटॅग वापरणं आवश्यक: #VoiceOfDevendra
3. नोंदणी फॉर्म भरा:
   • www.voiceofdevendra.com या अधिकृत वेबसाईटवर भेट द्या.
   • स्पर्धेचा नोंदणी अर्ज भरा.
   • आपल्या Instagram/Facebook व्हिडिओचे लिंक त्या फॉर्ममध्ये अपलोड करा.

स्पर्धेचे महत्त्वाचे टप्पे

टप्पा	दिनांक
ऑनलाईन अर्ज सुरु	२२ जुलै २०२५
अंतिम मुदत	९ ऑगस्ट २०२५
निकाल (प्रथम फेरी)	१० ऑगस्ट २०२५
सेमिफायनल फेरी (ऑफलाइन)	घोषित करण्यात येईल
ग्रँड फायनल व पारितोषिक वितरण	सेमिफायनल नंतर घोषित करण्यात येईल

मूल्यमापन निकष (Evaluation Criteria)

स्पर्धकांचे भाषण/Reel खालील गोष्टींवर आधारित तपासले जाईल:

• विषयाशी सुसंगतता: "विकसित महाराष्ट्र " या मुख्य विषयाशी तुमचं भाषण किती सुसंगत आहे?
• विचारांची स्पष्टता आणि सकारात्मक दृष्टिकोन: भाषणामध्ये विधायक, प्रेरणादायी आणि आशादायक विचार मांडले आहेत का?
• भाषाशैली आणि आत्मविश्वास: सादरीकरणातील आत्मविश्वास, स्पष्ट उच्चार, आणि प्रभावी भाषाशैली कितपत आहे?
• सर्जनशीलता: सादरीकरणामध्ये नावीन्य, कल्पकता आणि संवादातील आकर्षकता आहे का?
• लोकप्रतिसाद (Online Engagement): पोस्ट किंवा Reel ला सोशल मीडियावर मिळालेला नैसर्गिक प्रतिसाद – views, likes, shares आणि comments.

महत्त्वाच्या सूचना

• एकच व्हिडिओ दोनही प्लॅटफॉर्मवर अपलोड करता येईल.
• फॉर्ममध्ये कमीत कमी एक लिंक अनिवार्य आहे.
• व्हिडिओचे हक्क Voice of Devendra टीमकडे राहतील.
• सर्व स्पर्धकांनी नियम व अटी मान्य करूनच सहभाग घ्यावा.
• कोणताही अपमानास्पद, राजकीय टीका, असत्य माहिती किंवा नकारात्मक दृष्टिकोन असलेला व्हिडिओ अमान्य केला जाईल.

"Voice of Devendra ही स्पर्धा नव्हे, एक चळवळ आहे!" तुमचं विचारमंथन, तुमचं व्यक्तिमत्त्व, तुमचं नेतृत्व – महाराष्ट्राला दिशा देणारं ठरेल.